தூத்துக்குடி அனல் மின் நிலையத்தில் உற்பத்தி சீரானது

[ஞாயிறு - 19 மே-2013 - 10:23:40 காலை ]

தூத்துக்குடி அனல் மின் நிலையத்தில் 2 மற்றும் 3-வது யூனிட்களில் ஏற்பட்ட பழுது நேற்று சரிசெய்யப்பட்டது. இதைத்தொடர்ந்து முழு அளவிலான மின் உற்பத்தி தொடங்கியுள்ளது. தூத்துக்குடி அனல் மின் நிலையத்தில் தலா 210 மெகாவாட் மின் உற்பத்தி திறன் கொண்ட 5 யூனிட்டுகள் உள்ளன. இவற்றின் மூலம் நாளொன்றுக்கு 1050 மெகாவாட் வரை மின்சாரம் உற்பத்தி செய்யப்பட்டு வருகிறது.இந்நிலையில் கடந்த 14-ந் தேதி இரவு 3-வது யூனிட்டிலும், 17-ந் தேதி காலையில் இரண்டாவது யூனிட்டிலும் பழுது ஏற்பட்டது. இதனால் 420 மெகாவாட் மின் உற்பத்தி பாதிக்கப்பட்டது. கடந்த சில நாட்களாக மின்தடை குறைந்த நிலையில் அனல் மின் நிலைய பழுது காரணமாக வெள்ளி மற்றும் சனிக்கிழமைகளில் அதிகளவில் மின்தடை ஏற்பட்டது. இதற்கிடையே 3-வது யூனிட்டில் ஏற்பட்ட பழுது சரிசெய்யப்பட்டு நேற்று அதிகாலை 2 மணிக்கும், இரண்டாவது யூனிட்டில் ஏற்பட்ட பழுது நீக்கப்பட்டு பகல் 12.30 மணிக்கும் செயல்படத் தொடங்கியது.

காணொளி செய்திகள் tamilantelevision thanks