 வடக்கு சவூதி அரேபியாவில் உள்ள அவிக்கிலா நகரை சேர்ந்த ஒருவர், அங்குள்ள உணவு விடுதியில் சாப்பிடச் சென்றார்.
அவருக்கு பரிமாறப்பட்ட 'சாண்ட் விச்'சில் செத்த ஈ கிடந்ததைக் கண்டு திகைப்படைந்த அவர், நகராட்சி அதிகாரிகளிடம் புகார் அளித்தார்.
இவ்விவகாரம் தொடர்பாக விசாரணை நடத்திய நகராட்சி தலைமை அதிகாரி ஜமால் அல் எனேசி, சுகாதாரமற்ற உணவை விற்ற உணவகத்தின் உரிமையாளரான பெண்ணுக்கு பெரிய தொகையை அபராதமாக விதித்தார்.
சுகாதாரமற்ற உணவுகளை விற்கும் நபர்களுக்கு அபராதம் விதிப்பது என்பது வழக்கமான நடைமுறை தான். எனினும், இந்த அதிகாரி அபராதம் விதித்தது யாருக்கு என்பதுதான் இவ்விவகாரத்தின் சிறப்பம்சம்.
ஜமால் அல் எனேசி-யின் தாயார் நடத்தி வந்த உணவகத்தில் தான் தரமற்ற உணவு விற்கப்பட்டது என்று தெரிந்தும் சட்டப்படி நடவடிக்கை எடுத்த அவரை அவிக்கிலா மேயர் பாராட்டியுள்ளார்.
இது மட்டுமின்றி, இந்த செய்தியை கேள்விப்பட்ட பலரும் 'பேஸ் புக்' மற்றும் "டுவிட்டரில்" அந்த அதிகாரியை புகழ்ந்து தள்ளியபடி உள்ளனர்.
நீதிக்குப் பின் பாசம்" என்று கடமையாற்றும் இந்த வளைகுடா நாட்டு அதிகாரிக்கு பாராட்டு குவிகிறது.
newsonews thanks |
கருத்துகள் இல்லை:
கருத்துரையிடுக