மருத்துவப் படிப்புக்கு தேசிய பொது நுழைவுத் தேர்வு நடத்தும் முடிவுக்கு தடை விதித்து உச்ச நீதிமன்றம் தீர்ப்பு அளித்ததுள்ளது . நாடு முழுவதும் மருத்துவப் படிப்புகளில் மாணவர்களை சேர்க்க பொதுவானதொரு தேசிய நுழைவுத் தேர்வை நடத்த வேண்டும் என்று மத்திய அரசு முடிவு செய்தது. ஆனால் இதற்கு எதிர்ப்புத் தெரிவித்து தமிழக அரசின் மனு உள்பட 115 மனுக்கள் உச்ச நீதிமன்றத்தில் பதிவு செய்யப்பட்டது. இந்த மனுக்கள் இன்று உச்ச நீதிமன்ற தலைமை நீதிபதி அல்டமாஸ் கபீர், நீதிபதிகள் விக்ரம்ஜித் சென், அனில் தவே ஆகியோர் கொண்ட அமர்வு முன்பு விசாரணைக்கு வந்தது. மனுவை விசாரித்த நீதிபதிகள், மாநிலங்கள் தங்கள் விருப்பம் போல நுழைவுத் தேர்வுகளை நடத்திக் கொள்ளலாம். அல்லது நேரடியாக மருத்துவப் படிப்பில் மாணவர்களை சேர்த்துக் கொள்ளலாம் என்றும் பொதுவான தேசிய நுழைவுத் தேர்வை அனைத்து மாநிலங்களும் பின்பற்ற வேண்டும் என்ற தேவையில்லை என்று உத்தரவு பிறப்பித்தனர். மேலும் மருத்துவக் கல்லூரிகள், பல் மருத்துவக் கல்லூரிகள் ஆகியவற்றுக்கு இந்தத் தீர்ப்பு பொருந்தும் என்றும் நீதிபதிகள் தங்கள் தீர்ப்பில் தெரிவித்துள்ளனர். தேசிய மருத்துவ நுழைவுத் தேர்வை நாடு முழுவதும் அனைத்து மாநிலங்களும் பின்பற்றத் தேவையில்லை என்று உச்ச நீதிமன்றம் அளித்த தீர்ப்பால், தமிழக மாணவர்களின் பெரும் கவலை தீர்க்கப்பட்டுள்ளது.
tamilantelevision thanks
| 
கருத்துகள் இல்லை:
கருத்துரையிடுக