அடிக்கடி சிறுநீர் கழிக்க சென்றமையால் மாதாந்த கொடுப்பனவை வெட்டிய அவுஸ்திரேலிய நிறுவனம்

அவுஸ்திரேலியாவில், அலுவலக நேரத்தில் அடிக்கடி சிறுநீர் கழிக்க சென்ற ஊழியர்களின் சம்பளம் பிடிக்கப்பட்டமை பரபரப்பை ஏற்படுத்தி உள்ளது.

அவுஸ்திரேலியாவின், மெல்போர்ன் நகரில் உள்ள, "ஏஜிஸ் அவுஸ்திரேலியா' என்ற தொலைபேசி நிறுவனத்தில், ஏராளமான ஊழியர்கள் பணியாற்றுகின்றனர்.

இங்குள்ள ஊழியர்களின் வருகைப் பதிவை கணக்கிடவும், பணி நேரத்தில் இருக்கைகளிலிருந்து அநாவசியமாக எழுந்து செல்லாமல் இருக்கவும் விசேட ஏற்பாடுகள் செய்யப்பட்டுள்ளன.

அதன் படி, ஒவ்வொரு ஊழியரின் மேஜையிலும், ஒரு எலக்ட்ரானிக் கருவி பொருத்தப்பட்டுள்ளது. இதன் மூலம், ஊழியர், தன் இருக்கையை விட்டு, 90 விநாடிகளுக்கு மேல், எழுந்து சென்றால், அவர்களின் கணினி தானாகவே "ெலாக்' ஆகிவிடும் எழுந்து சென்றதற்கான காரணத்தை பதிவு செய்த பின்னரே, கணினி மீண்டும் செயற்படத் தொடங்குமாம்.

இவ்வகையில் அடிக்கடி சிறுநீர் கழிக்க சென்றதாகக் கூறி அந்நிறுவன ஊழியர்கள் மூன்று பேரின் சம்பளத்தில் பிடித்தம் செய்யப்பட்டுள்ளது.

இதை எதிர்த்து, மூவரும் வழக்கு தொடர்ந்துள்ளனர். இதற்கு பதிலளித்த நிறுவனம், தங்கள் நிறுவனத்தில் உணவு இடைவேளை, தேநீர் இடைவேளை, மாலையில் ஒரு முறை இடைவேளை என பல சலுகைகளை தருவதாக தெரிவித்தது. ஊழியர்கள் அநாவசியமாக தங்கள் இருக்கையிலிருந்து எழுந்து செல்வதால் பணி பாதிக்கப்படுவதாகவும் எனவே சம்பளத்தில் பிடித்தம் செய்யப்பட்டதாகவும் தெரிவித்தது.

இதற்கு நீதிமன்றம் கண்டனம் தெரிவித்ததால் இயந்திரக் கோளாறு காரணமாகவே, சம்பளம் பிடிக்கப்பட்டுள்ளதாக தெரிவித்து மூன்று ஊழியர்களுக்கும் சரியான சம்பளத்தை வழங்கி, நிறுவனம் சமாளித்துள்ளது

viyapu thanks