பாலக்காடு மாவட்டம் முதலமடை அருகே உள்ள கோவிந்தாபுரம் எம்.புதூரை சேர்ந்தவர் ஆறுமுகன்.
இவர் மனைவி சிலம்பு செல்வி(வயது 50), இவர்களது மகள்கள், சரண்யா(வயது 21), ஐஸ்வர்யா.
சென்னையில் பி.காம் படித்து முடித்த சரண்யா, கோவையில் மேற்படிப்புக்காக காத்திருந்தார். பத்தாம் வகுப்பு முடித்த ஐஸ்வர்யா பிளஸ் 1 வகுப்பில் சேர காத்திருக்கிறார்.
இந்நிலையில் நேற்று முன்தினம் பகல், 2:00 மணிக்கு, ஆறுமுகனுக்கு சொந்தமான தோப்பில் மின் மோட்டார் திடீரென செயல்படாமல் நின்றது.
மோட்டார் பழுது பார்ப்பவரை அழைத்து வர சென்ற ஆறுமுகன் சென்றுவிட்டார்.
அப்போது வீட்டின் பின்புறம் சிலம்பு செல்வி தரையில் கவிழ்ந்த நிலையில் இறந்து கிடந்தார். அருகே மின் கம்பியை பிடித்த நிலையில் மகள் சரண்யா விழுந்து கிடந்தார்.
வீடு திரும்பிய ஆறுமுகன், இதைக்கண்டு அதிர்ச்சி அடைந்தார். அக்கம்பக்கத்தவர் துணையுடன் இருவரையும் காப்பாற்ற முயற்சி செய்தும் பலனளிக்கவில்லை.
இதனையடுத்து பொலிசார் நடத்திய விசாரணையில், பழுதாகியிருந்த மோட்டாருக்கு சென்ற ஒயர் துண்டாகி, துணி காய போடும் கம்பியில் விழுந்திருந்தது.
துணி காயப்போட்ட போது மின்சாரம் பாய்ந்து தாயும், மகளும் பலியானது தெரியவந்தது. உடல்களை மீட்ட பொலிசார் திருச்சூர் மருத்துவக் கல்லூரி மருத்துவமனைக்கு அனுப்பி வைத்தனர்.
newindianews thanks | 
துணி காய போடும் கம்பியில் மின்சாரம் பாய்ந்து தாயும், மகளும் பலியான சம்பவம் அதிர்ச்சியை ஏற்படுத்தி உள்ளது.
கருத்துகள் இல்லை:
கருத்துரையிடுக