 நாம் வாழும் பூமியின் வெப்பம் ஜப்பானின் ஹிரோஷிமாவில் வீசப்பட்ட அணுகுண்டை போன்று நான்கு மடங்கு அதிகம் என அவுஸ்திரேலிய விஞ்ஞானி எச்சரித்துள்ளார்.
பூமியின் வெப்பம் குறித்து குயின்ஸ்லாந்து பல்கலைக்கழகத்தின் தட்பவெப்ப தகவல் துறையைச் சேர்ந்த ஜான் குக் கூறுகையில், பூமி மீது முன் எப்போதும் இல்லாத அளவிற்கு அதிகப்படியான கரியமில(கார்பன்-டை-ஆக்சைடு) வாயுவின் அடர்த்தி அதிகரித்து உள்ளது.
இதனால் பூமியில் அதிகப்படியான வெப்பம் ஏற்படுகிறது. இது ஜப்பானின் ஹிரோஷிமாவில் வீசப்பட்ட அணுகுண்டை போன்று நான்கு மடங்கு அதிகம்.
அதுவும் ஒவ்வொரு வினாடியும் புவி இவ்வாறு கடுமையான வெப்பத்திற்கு ஆட்படுத்தப்பட்டு வருகிறது. இந்த நிலை தொடர்ந்தால் என்னவாகும் என நினைத்து கூட பார்க்க முடியவில்லை.
இந்த அதிகப்படியான வெப்பம் 90 சதவீதம் கடலுக்குத்தான் செல்கிறது. இதுதான் நிலப்பகுதியில் ஏற்படும் தட்பவெப்ப நிலைகளை காட்டும் அளவைக் கருவியைப்போல் செயல்படுகிறது.
இதனால் நிலங்கள், பனி மலைகள் மற்றும் விலங்கினங்கள் ஆகியவற்றின் மீது இவை கடுமையான தாக்கத்தை ஏற்படுத்தி விடுகின்றன.
இந்த புவி வெப்பமயமாதலுக்கு மனிதர்களே முக்கிய காரணம். கடந்த 20 ஆண்டுகளாக இதுகுறித்து நடைபெற்று வரும் ஆய்வுகளில், மனிதர்களின் தவறுகளால் புவி வெப்பமடைதல் வேகமாக நடைபெறுவதை விஞ்ஞானிகள் ஒப்புக் கொண்டுள்ளனர் என்று தெரிவித்துள்ளார்
newsonews thanks
| 
கருத்துகள் இல்லை:
கருத்துரையிடுக