March 5,
2013 05:13 pm
வெனிசுலா அதிபரான ஹியூகோ சாவேஸ் (வயது 58),புற்று நோயால் பாதிக்கப்பட்டு கடந்த டிசம்பர் மாதம் கியூபாவில் அறுவை
சிகிச்சை செய்து கொண்டார். இந்த அறுவை சிகிச்சைக்குப் பிறகும் அவர் உடல்
நிலையில் தொடர்ந்து சிக்கல்கள் இருந்து வந்தன. எனவே அவருக்கு கடந்த இரண்டு
மாதங்களாக புதிய சிகிச்சைகள் அளிக்கப்பட்டு வந்தது. கடந்த பிப்ரவரி
16 திகதி
அவரின் புகைப்படங்களை வெனிசுலா அரசு
வெளியிட்டது.
இந்நிலையில் வெனிசுலா அதிபர் சாவேஸ் 19-ம் திகதி நாடு
திரும்பினார். வீட்டில் ஓய்வெடுத்து வந்த சாவேசுக்கு திடீரென சுவாசக் கோளாறு
ஏற்பட்டது. ராணுவ ஆஸ்பத்திரியில் அவரை அனுமதித்து சிகிச்சை அளித்து வந்தனர்.
அங்கு அவரின் உடல் நிலை மோசமடைந்து வருவதாக அந்நாட்டு அரசு
தெரிவித்துள்ளது.
இதுதொடர்பாக வெனிசுலாவின் தகவல் தொடர்புத்துறை மந்திரி
எர்னெஸ்டோ வில்லேகஸ் கூறியதாவது:-
சாவேசின் எதிர்ப்பு சக்தி குறைவதன் காரணமாக சுவசக் கோளாறு
தீவிரமடைந்தது. அவருக்கு புதிய
தொற்று உருவாகியுள்ளது. அதிபருக்கு அதிக சக்தி கொண்ட கீமோ தெரபி சிகிச்சை வழங்கப்பட்டு வருகிறது. ஆனால் அவரின் உடல் நிலை
தொடர்ந்து மோசமாகவே உள்ளது. அவர் உயிருக்கு போராடி
வருகிறார். இவ்வாறு அவர் கூறினார்.
அதிபரின் உடல்நிலை மோசமடைந்து வருவதால்,அவர் சிகிச்சை பெற்று வரும் ராணுவ மருத்துவமனையைச் சுற்றி
பலத்த பாதுகாப்பு போடப்பட்டுள்ளது.
thamilan thanks
கருத்துகள் இல்லை:
கருத்துரையிடுக