 பிரான்சில்
வேலையில்லாத் திண்டாட்டம் பெருகி வரும் இச்சூழலில் வேலையற்றோர் உதவித் தொகையும்
கிடைக்காததால் ஒருவர் ஊடகங்களுக்குத் தன் முடிவைத் தெரிவித்த பின்னர் தீக்குளித்து
இறந்துள்ளார்.
மேற்கு ஃபிரான்ஸில் உள்ள நாண்ட்டேஸ்(Nantes) நகரில் வேலைவாய்ப்பு அலுவலகம்
முன்பு நேற்று அவர் தீக்குளித்து மரணமடைந்ததால் அந்த அலுவலகம் அன்று முழுவதும்
மூடப்பட்டிருந்தது.
கடந்த ஓகஸ்ட் மாதம் பாரிஸ் நகர் அருகே 51 வயதான ஒருவர் வேலை இல்லாததால்
தனக்குத்தானே தீ வைத்துக் கொண்டு இறந்துபோனார் என்பது குறிப்பிடத்தக்கது.
வேலையில்லாதோரின் உரிமைகளுக்காகப் போராடி வரும் CQT Chomeurs என்ற
தொழிற்சங்கத்திலிருந்து பிலிப் போட்(Philippe Baot) என்பவர் கூறுகையில்,
வேலையற்றோர் உதவித்தொகை மனிதாபிமானமற்ற முறையில் தீர்மானிக்கப்படுகிறது என்று
வருத்தம் தெரிவித்துள்ளார்.
மேலும் வேலையில்லாமல் இருப்பது சமூகத்தை விட்டு எல்லா வகையிலும் விலகி இருப்பதை
ஒத்ததாகும் என்றும் அவரது மரணம் ஒரு சமூகரீதியான தற்கொலை எனவும்
விளக்கியுள்ளார்.
கடந்த 2011ம் ஆண்டு இறுதியில் வேலையில்லாதோர் எண்ணிக்கையை கணக்கிட்டபொழுது கடந்த
பதினைந்து ஆண்டுகளில் எப்போதும் இல்லாத அளவிற்கு 3.2 மில்லியன் அதிகமாகியிருந்தது.
இது குறித்து பிரான்ஸ் ஜனாதிபதி ஹோலாண்ட்(Hollande) கூறுகையில், 2013ம் ஆண்டின்
முடிவிற்குள் வேலையில்லாத் திண்டாட்டம் ஒழிக்கப்படும் என்று சூளுறுரைத்துள்ளார்.
மேலும் அவர் கடந்த 2012ம் ஆண்டை வேலைக்கான போர் நடக்கும் ஆண்டாகக்
குறிப்பிட்டியிருந்தார்.
newsonews thanks |
கருத்துகள் இல்லை:
கருத்துரையிடுக