 ஐநாவின்
மனித உரிமைக்குழுவின் 2ஆவது கூட்டம் இன்று தொடங்கி, மார்ச் 22ம் திகதி வரை நடக்கும்
இக்கூட்டத்தில் அமைச்சர்களும், முக்கியஸ்தர்களும் உள்பட சுமார் நூறு பேர்கள்
கலந்துகொள்கிறார்கள்.
இக்கூட்டத்தில் மனித உரிமைக்கு எதிரான நடவடிக்கைகளைப் பற்றி விவாதிக்கப்படும்
என்று தகவல்கள் வெளியாகியுள்ளது.
முதலாவதாக ஜப்பானும், ஐரோப்பிய ஒன்றியமும் இணைந்து வடகொரியாவில் சிறையில்
அவதிப்படும் 20,000 பேரின் இரக்கமற்ற நிலை குறித்து விவாதிக்க வேண்டும் என்று
கூறிவருகிறது.
இரண்டாவதாக பிரான்ஸ், மாலியில் நடக்கும் மனித உரிமை மீறல்கள் பிரெஞ்சு ராணுவம்
அங்கிருந்து வெளியேறிய பின்னரும் தொடரும் என்பதால் அந்தப் பகுதிகளுக்கு உடனடியாக
ஆட்களை அனுப்பி நிலைமையை ஆராய வேண்டும் என்று ஐநாவின் மனித உரிமைக் குழுவைக்
கேட்டுக் கொண்டுள்ளதால் இது குறித்தும் இந்தக் கூட்டத்தில் விவாதிக்கப்படும்.
இதை தொடர்ந்து ஸ்ரீலங்காவின் நிலைமைக்கு முன்னுரிமை வழங்கப்படும் என்றும்
பொதுநலத் தொண்டு நிறுவனங்கள் நம்பிக்கை தெரிவித்துள்ளன.
மேலும் சிரியாவில் நடந்த உள்நாட்டுப் போரில் 70,000 பேர்கள்
உயிரிழந்துள்ளதையடுத்து 8,50,000 நபர்கள் அகதிகளாப் போய்விட்டதால் அங்கேயே
தங்கியிருக்கும் நான்கு மில்லியன் பேருக்கு அடிப்படைத் தேவைகளுக்கான உதவிகள்
குறித்தும் விவாதிக்கப்படும் என்று தெரிகிறது.
ஐநாவின் மனித உரிமைக் குழுவின் தலைவியான நவி பிள்ளையும்(Navi Pillay)
இப்பிரச்சனைகள் குறித்து தீவிரமாக விசாரணை நடத்தப்படும் என்று
தெரிவித்துள்ளார்.
|
கருத்துகள் இல்லை:
கருத்துரையிடுக