|
|
| [ வியாழக்கிழமை, 21 பெப்ரவரி 2013, 12:15.15 AM GMT +05:30 ] [
மாலைமலர் ] |
 இந்தியாவில் 2013ம் ஆண்டிற்கான
இரயில்வே பட்ஜெட் வரும் 26ம் திகதி தாக்கல் செய்யப்பட உள்ளது. |
இந்நிலையில், தேசிய இரயில்வே மல் கொடாம் ஷர்மிக் சங்கத்தின் பொதுச் செயலாளர்
அருண்குமார் பாஸ்வான் விடுத்துள்ள அறிக்கையில் கூறியிருப்பதாவது: நாடெங்கும் உள்ள
இரயில்வே கிடங்குகளில் நீண்ட காலமாக சுமார் 6 லட்சம் சுமை ஏற்றி, இறக்கும்
தொழிலாளர்கள் தற்காலிக ஊழியர்களாக வேலை செய்து வருகின்றனர்.
இவர்களை பணி நிரந்தரம் செய்ய வேண்டும் என பலகாலமாக எங்கள் சங்கம் போராடி
வருகிறது. ஆனால், மத்திய அரசு வெறும் வாக்குறுதிகளை மட்டுமே வழங்கிக்
கொண்டிருக்கிறது. பல காலமாக பொறுமை காத்துவந்த நாங்கள், இப்போதாவது அரசு நடவடிக்கை
எடுக்கும் என எதிர்பார்க்கிறோம்.
வரும் 26ம் திகதி பாராளுமன்றத்தில் தாக்கல் செய்யப்படவுள்ள இரயில்வே பட்ஜெட்டில்
எங்கள் நீண்டகால கோரிக்கையான 6 லட்சம் சுமை ஏற்றி இறக்கும் தொழிலாளர்களை மத்திய
அரசு பணி நிரந்தரம் செய்து அறிவிக்க வேண்டும்.
இல்லையென்றால், வரும் 27ம் திகதி எங்கள் தொழிற்சங்க நிர்வாகிகளுடன் ஆலோசித்து,
விரைவில் நாடு தழுவிய இரயில் மறியல் போராட்டத்தில் ஈடுபடுவோம். தற்போது நடைபெற்று
வரும் 2 நாள் வேலை நிறுத்தத்திலும் எங்கள் சங்கம் பங்கேற்றுள்ளது என அந்த
அறிக்கையில் கூறப்பட்டுள்ளது. |
newindianews thanks
|
கருத்துகள் இல்லை:
கருத்துரையிடுக