சென்னை பல்லாவரத்தை சேர்ந்தவர் அன்பழகன். தபால்துறை ஊழியர்.
இவரது மகன் விக்னேஸ்வரன் (20). வேளச்சேரியில் உள்ள ஒரு இன்ஜினியரிங் கல்லூரியில்
பி.இ. (சிவில்) மூன்றாம் ஆண்டு படித்து வந்தார்.
கல்லூரி புராஜக்ட் பணிக்காக 127
மாணவர்கள் சேலம் மாவட்டம் ஏற்காடுக்கு நேற்று முன்தினம் வந்தனர். அவர்கள்
ஏற்காட்டில் உள்ள ஒரு தனியார் ஹோட்டலில் அறை எடுத்து தங்கினர். நேற்று முன்தினம்
இரவுஇ விக்னேஸ்வரன் உள்பட உடன் வந்த மாணவர்கள் சிலர் மது அருந்தியதாக
கூறப்படுகிறது. இரவு 8 மணியளவில் விக்னேஸ்வரன் அறையில் உள்ள கழிப்பறைக்கு சென்றார்.
அவர் உள்ளே சென்ற சிறிது நேரத்தில் கீழே விழும் சத்தம் கேட்டது. அந்த அறையில்
தங்கியிருந்த மற்ற மாணவர்கள் உடனடியாக கழிப்பறைக்குள் சென்று பார்த்தபோதுஇ
விக்னேஸ்வரன் மூச்சு பேச்சின்றி விழுந்து கிடந்தார். அவர் மீது தண்ணீர் தெளித்து
எழுப்ப முயன்றனர். அப்போதும் அவர் எழுந்திருக்கவில்லை. அவர் இறந்து விட்டது
தெரியவந்தது. இதனால் பதற்றம் அடைந்த அவர்கள் ஏற்காடு போலீசாருக்கு தகவல் அளித்தனர்.
போலீசார் சடலத்தை கைப்பற்றி பிரேத பரிசோதனைக்காக சேலம் அரசு மருத்துவமனைக்கு
அனுப்பி வைத்தனர். மாணவர் மர்மச்சாவு குறித்து அவரது பெற்றோருக்கு தகவல்
தெரிவிக்கப்பட்டது.
tamilantelevision. thanks
கருத்துகள் இல்லை:
கருத்துரையிடுக