பெண்களுக்கு எதிரான குற்றங்களைக் களைய பெண்கள் 'பாக்சிங்' கற்றுக்கொள்ள வேண்டும் - மேரி கோம்

[ [2013-01-06 08:22:52]

பெண்கள் எல்லா நிலைமைகளையும் சமாளிக்கும் வகையில் எப்போதும் தயாராக இருக்க வேண்டும். பெண்களுக்கு எதிரான குற்றங்களைக் களைய பெண்கள் 'பாக்சிங்' கற்றுக் கொள்ள வேண்டும். சிறு பெண்ணாக இருந்தபோதே தற்காப்பு கலைகளின் மீது எனக்கு அதிக ஆர்வம் இருந்தது. தொடர்ந்து ஆக்‌ஷன் திரைப்படங்களையும் பார்த்து வந்தேன். ஒரு முறை என்னை கேலி செய்த ஆட்டோ டிரைவரை துவைத்து எடுத்துவிட்டேன்.ஓடும் பஸ்சில் டெல்லி மாணவி கற்பழிக்கப்பட்டதை அறிந்து திகைத்துப் போனேன். பெண்களுக்கு உரிய மரியாதை வழங்கப்பட வேண்டும். வடகிழக்கு மாநிலங்களில் பெண்கள் மதிக்கப்படுகின்றார்கள். அங்கு பாலியல் வன்கொடுமைகளும் குறைவாகவே உள்ளன.எனினும் கல்வி மற்றும் வேலைக்காக நம்வீட்டு பெண்குழந்தைகள் தொலை தூரத்தில் உள்ள பெரு நகரங்களுக்கு செல்ல வேண்டியுள்ளது.அவர்களுக்கு தற்காப்புக் கலையை கற்றுத்தர வேண்டியது கட்டாயமாக்கப்பட வேண்டும். 2007-ம் ஆண்டில் மணிப்பூரில் ஓர் பாக்சிங் பயிற்சி பள்ளியை தொடங்கினேன்.வடகிழக்கு இந்தியா முழுவதும் பாக்சிங் கலையை பரவலாக்கி பல மேரி கோம்களை உருவாக்க வேண்டும் என நான் ஆசைப்படுகின்றேன். எனது வாழ்க்கையை தழுவி தயாரிக்கப்படும் புதிய் திரைப்படத்தில் எனது கதாபாத்திரத்தில் நடிகை பிரியங்கா சோப்ரா நடிப்பதாக அறிந்து மகிழ்ச்சியடைகின்றேன்.புதுமுக பாக்சர்களை ஊக்குவிக்கும் வகையில் அந்த திரைப்படம் அமையும் என எதிர்பார்க்கின்றேன். இந்தப் படத்தை பார்த்த பின்னர் எவ்வளவு சிரமங்களுக்குப் பிறகு இந்த இடத்தை நான் அடைந்திருக்கிறேன் என்பதை மக்கள் புரிந்துக் கொள்வார்கள். tamilantelevision. thanks